Event: 我在香港LINK藝術展@天氣晴

一直都好鐘意睇藝術品，
以前在尖沙咀返工，
放左工百無聊賴會走去藝術館行下睇下畫，
REFRESH下自己令心情FEEL GOOD。

上星期收到朋友送贈嘅FREE TICKET，
於是在天朗氣清嘅星期日
同MUMMY一齊去左西環睇<香港LINK藝術展>。

今次參展嘅藝術家都幾國際化，
除左本地藝術家外，
還有好多來自意大利嘅藝術家，
分別展出左當代藝術攝影、數碼打印、油畫和雕塑等作品。
究竟D作品有幾靚？一齊睇下部分精華啦^^

 

 

 

 

 

ORGANIC FACIAL初體驗♥ in SEAU BEAUTY

ORGANIC FARMING就聽得多，ORGANIC FACIAL就好少聽過。

前排在FB參加左SEAU BEAUTY嘅活動，

有幸抽中左可以體驗人生首次的有機FACIAL。

地點在中環都OK方便，不過棟大廈的出入位好隱蔽唔太易搵，

上到14/F要轉另一部LIFT先去到17/F的目的地。

門口佈置幾有禪味：

入到去填左d簡單資料後，

美容師安排我到美容房正式體驗這次的ORGANIC FACIAL。

首先，美容師幫我卸妝清潔皮膚，然後搽左個馬尾草PEELING GEL，

同一般PEELING GEL唔同，呢隻PEELING GEL唔需要一路捽，

只要敷8-10MINS到最後輕輕推走佢就OK。

完成後敷另一個保濕MASK，成份係乜我唔記得左，

不過隻MASK嘅味道都幾清新，敷上臉冇幾耐感覺皮膚都有D漿漿地，

好似隻MASK在皮膚表面發酵緊咁，最後美容師以一個頭部MASSAGE作結。

唔講唔知，原來今次用嘅PRODUCT來自匈牙利，真係好另類+少見，

品牌叫ILIKE，專門使用有機蔬菜生果製成護膚品，成份天然零防腐劑，

所以用好少份量已經好易被皮膚吸收。

今次嘅FACIAL體驗相當愉快，

臨走嘅時候美容師重送左一小盒ILIKE嘅面霜TESTER比我，好開心呀^^

P.S.特別要求美容師借啱啱幫我敷o個隻MASK來影相，

因為光用文字太難形容佢嘅TEXTURE喇。

Event: 有小收獲的IMORE Art Jamming工作坊

已經好耐都冇參加過IMORE搞嘅event，對上個次已經係《萬人體驗團》，今次有幸抽到參加Art Jamming工作坊，真係好開心呀。^^





顧明思義，Art Jamming係有關畫畫，大會想以生動有趣的Art Jamming 活動為 參加者提供色彩美學指導及技巧，配合最新的美妝、時尚及個人護理產品的率先試用，提升個人形象。雖然係咁講，實則去到現場（荔枝角某畫室）只係提供相關畫板、畫筆同顏料，至於點畫、畫D乜以及繪畫技巧等冇提及，完全係一次DIY創作之旅，搞到我有D ‘O’嘴；好在畫畫下都幾好玩，咁就算啦。意外地唔少參加Art Jamming嘅SIS畫功唔錯，有D重幾靚架。

今次除左大家齊齊玩Art外，重有四個LABELS參加今次嘅EVENT，包括：

CLEAR（洗髮水品牌）

森田藥妝（護膚品牌）

MAJOLICA MAJORCA（化妝品牌）

LE BUNNY BLEU（鞋履品牌）

WORKSHOP嘅第二部分就係由每個品牌輪流介紹自己嘅品牌，令多D人了解佢地嘅產品。每個品牌介紹完之後重會抽出5位LUCKY GIRLS有禮物送。

最正嘅禮物我覺得係LE BUNNY BLEU嘅鞋，因為款式都幾可愛，而且質地唔錯咁，用來返工行街都OK呀。雖然最終幸運之神冇眷顧我，但都替其他中獎嘅SIS高興嘅。

最後大會向每位參加者送上福袋一個，算係一次小小的收獲 ^^

嗜辣人士的天堂：重慶雞煲

一直都好鐘意食辣，近排令我最有印象嘅應該係「重慶雞煲」。

原因好簡單，平時係出面食雞煲，最初食雞嘅時候辣度都OK，

但當加左水之後唔好講辣度，連味道都欠奉；

而呢間雞煲神奇地可以越食越辣，啱哂我呢D無辣不歡嘅人。

星期六又來上來旺角分店幫襯，

雖然6點幾90%枱已經坐滿客。

坐低之後即刻叫左個中辣嘅雞煲，心情大好。

不過唔知係咪即叫即整嘅關係，等左15分鐘熱辣辣嘅雞煲先上枱，

始終BUFFET有限時，如果雞煲可以快D上枱就更好喇。

好喇~評級開始~~ 

肉質：佢嘅雞依然保持一貫高水準，嫩滑唔CHI牙。Good！

辣度：今次Just OK。叫左中辣，但實際似小辣，

唔知係咪「重慶雞煲」下調左個辣度。

醬料：偏少。食左３－４次，以今次最少醬汁，

　　　搞到食完雞加水hotpot嘅時候唔多夠味，

希望佢下次有改善KEEP返水準啦。

除左例牌叫左肥牛、羊肉、金菇等配料之外，

今次食店重送左一碟安格斯牛比每一枱，呢點要讚下。

另外，呢間野有免費啤酒、汽水、涼茶任飲，

非常適合一班FRIEND一齊傾下飲下食下。

不過如果想坐得舒服D，最好早D到可以㨂卡位，

否則坐普通長枱位，空間有限唔夠舒爽。

總括來說，LAM LAM脷指數有7粒星呀（10星滿）。